اسلام آباد۔10جون(اے پی پی) سپیکر قومی اسمبلی اتے چیئرمین سینیٹ دا پیٹرول تے آوݨ آلے اخراجات اچ 40 فیصد کٹوتی دا فیصلہ کیتے۔ اے فیصلہ انہاں ہک ملاقات اچ کیتے۔ انہاں بجٹ اتے پارلیمان دے ݙوہیں ایواناں دے جاری اجلاساں اتے قانون سازی دے معاملیاں تے الایا۔ سپیکر راجہ پرویز اشرف آکھیا جو ملکی معاشی حالات اوکھے ہین تہوں ساکوں سیاسی قیادت کوں رل تے ایں بحران نال نبݨݨ کیتے لائحہ عمل ٻݨاوݨا ہوسی، بچت ویلھے دی لوڑھ اے، پیٹرول دی مد اچ 40 فیصد کٹوتی دا اطلاق سپیکر و ڈپٹی سپیکر، چیئرمین و ڈپٹی چیئرمین سینیٹ سودھاقائمہ کمیٹیاں دےچئیرمین اتے ٻئے اعلی عہدیداران تے تھیسی۔
