اسلام آباد۔10جون(اے پی پی)ترجمان دفتر خارجہ عاصم افتخار آکھیے جو بھارت مسلماناں سودھا ٻیاں اقلیتاں دے خلاف بھرپور مہم کریندا پئے، توہین آمیز کلمات دے معاملے تے بھارتی ناظم الامور کوں سݙ تے شدید احتجاج کیتے جو بھارت کہیں ٻئے کوں نئیں آپ کوں ہی بیوقوف ٻݨیدا پئے، بھارت کشمیر اچ مظالم بند کرتے فوری اقوام متحدہ دی نگرانی اچ آزادانہ استصواب رائے کراوے۔ میڈیا کوں ہفتہ وار بریفنگ اچ ترجمان دفتر خارجہ عاصم افتخار آکھیے جو پاکستان بھارتی بی جے پی دے ݙو حکام ولوں توہین آمیز کلمات دی مذمت کریندے، سیکرٹری خارجہ سہیل محمود مختلف سفارتکاراں کوں بھارت اچ توہین آمیز کلمات، ہندوتوا دے اقدامات اتے اقلیتاں تے بھارتی مظالم دا ݙسائے، بھارت اخلاقی جرات ݙیکھیندے فوری طور تے متعلقہ بی جے پی حکام دے بیانات دی مذمت کرے اتے کارروائی کرے۔ انہاں آکھیا جو جرمن وزیر خارجہ انالینا بئیر بوک پاکستان دا دورہ کیتے ٻھل کرونا پاروں انہاں کوں تیکھے ونڄݨا پئے ڄݙاں جو ایرانی سفیر وی وزیر اعظم نال ملین۔ انہاں آکھیا جو بھارت دی سلامتی کونسل اچ مستقل نمائندگی بارے پاکستان سانڳے رپورٹس بے بنیاد ہین، امریکی سیکریٹری خارجہ نال وزیر خارجہ بھارت دی حمایت بارے کوئی ڳالھ نئیں کیتی۔
