اسلام آباد۔10جون (اے پی پی) وفاقی حکومت 23۔2022 دے بجٹ اچ بے نظیر انکم سپورٹ پروگرام کیتے 364 ارب روپے رکھین۔ جمعے کوں وزیر خزانہ مفتاح اسماعیل بجٹ تقریر اچ ملک دے پسماندہ اتے غریب ٻھیݨیں اتے بھراواں کیتے ، کیتے ڳئے اقدامات دا ذکر کریندیں ہوئیں آکھیا جو انہاں کیتے اساں بے نظیر انکم سپورٹ پروگرام دی مختص رقم ودھائی اے جیڑھی جو 2021-22 اچ 250 ارب روپے ہئی۔ 2022-23 دے بجٹ اچ اے رقم ودھا تے 364 ارب روپے کر ݙتی اے۔ ایندے علاوہ 12 ارب روپے دی رقم یوٹیلٹی سٹورز کارپوریشن تے شہیں دی سبسڈی کیتے رکھی ڳئی اے۔ پنج ارب روپے دی ودھیکی رقم رمضان پیکیج کیتے رکھی ڳئی اے۔
