کوئٹہ۔13جون (اے پی پی):وزیراعلیٰ بلوچستان میر عبدالقدوس بزنجو سی ٹی ڈی دی طرفوں کوئٹہ شہر اچ دہشت گردی اتے تخریب کاری دی کارروائی کوں ناکام بݨاوݨ تے ملوث دہشت گرد دی فوری گرفتاری تے کاونٹر ٹیرارزم ڈیپارٹمنٹ دی کارکردگی دی تعریف کیتی اے ، انہاں آپݨے ھک بیان اچ آکھیے جو سی ٹی ڈی وختی کاروائی کرتے کوئٹہ کوں دہشت گردی دے ممکنہ خطرے توں بچا ڳھدے ، انہاں آکھیے جو قانون نافذ کرݨ آلے اداریں دی اولین ذمہ واری امن و امان دا قیام اتے عوام دی جان و مال دا تحفظ اے۔ انہاں آکھیے اساکوں آپݨی ساری سکیورٹی فورسز تےفخر اے جیڑھے جو آپݨے فرائض احسن طریقے نال انجام ݙیندے پئن ، انہاں کارروائی اچ حصہ گھنݨ آلے اہلکاراں کوں شاندار کارکردگی تے مبارخ ݙیندے ہوئیں توقع ظاہر کیتی اے پولیس اتے سکیورٹی دے ٻئے ادارے اپݨی اعلیٰ کارکردگی کوں برقرار رکھ تے دیر تئیں امن دے قیام کوں یقینی بݨیسن ۔
