لاہور۔14جون (اے پی پی) مفت لیپ ٹاپ پراجیکٹ ول شروع کرݨ تے اظہار تشکر دی قرارداد پنجاب اسمبلی اچ جمع کراݙتی ڳئی ،اے قرارداد مسلم لیگ ن دی رکن حنا پرویز بٹ جمع کرائی۔قرارداد اچ آکھیا ڳئے جو پنجاب حکومت ذہین طلبہ کیتے مفت لیپ ٹاپ ݙیوݨ کیتے بجٹ اچ 1.5 ارب روپے مختص کیتن ،ایں توں لکھاں طلبہ کوں مفت لیپ ٹاپ ملسن ۔انہاں آکھیے جو مسلم لیگ ن دی حکومت گزریل دور اچ وی لکھاں طلبہ کوں مفت لیپ ٹاپ ݙتے جݙاں جو بزدار حکومت آپݨے دور اچ ھک وی طالبعلم کوں مفت لیپ ٹاپ نی ݙتا ۔قرارداد اچ اپیل کیتی ڳئی اے جو ایں پراجیکٹ کوں کالج لیول تئیں ودھایا ونڄے ۔
