ریلوے ہک واری ول خسارے وات، پٹرولیم مصنوعات دا ملھ ودھݨ دے باوجود مسافر ٹریناں دا کرایہ نہ ودھاوݨ دا فیصلہ کیتے، وفاقی وزیرریلوے خواجہ سعد رفیق دی پریس کانفرنس

لاہور۔14جون(اے پی پی)وفاقی وزیرریلوے خواجہ سعد رفیق آکھیے جو ساݙے پچھلے دور حکومت اچ ریلوے خسارے توں نکل تے منافع بخش تھی قیا ہا، ٻھل ہݨ سابق حکومت دی ناقص پالیسیاں ریلوے کوں ولا خسارے وات کر ݙتے، ݙھائی ݙھائی سال توں لوکاں کوں پنشن نئیں ملی، پٹرولیم مصنوعات دا ملھ ودھݨ دے باوجود مسافر ٹریناں دا کرایہ نہ ودھاوݨ دا فیصلہ کیتے۔ اے ڳالھ انہاں پریس کانفرنس اچ آکھی۔ انہاں آکھیا جو زکریا ایکسپریس واقعہ افسوسناک اے، ملزمان نال کوئی رعایت نا ورتیسی، ریلوے اتے سول ایوی ایشن اچ کوئی سیاسی بھرتی نہ کیتی ویسی۔ انہاں آکھیا جیکر اساں نا آندے تاں مالیاتی ادارے کہیں نال وی نا الاون ہا، آئی ایم ایف دے بغیر وی ملک چل سکدے، حکومت کوں چور آکھݨ آلے اپݨے گریبان اچ جھاتی پاون، اے ملک ٻعے سیاسی تجربے نئیں سہار سڳدا۔