راولپنڈی۔14جون(اے پی پی)چیئرمین جوائنٹ چیفس آف سٹاف کمیٹی جنرل ندیم رضا نال ارجنٹائن دی مسلح افواج دے چیف آف دی جوائنٹ سٹاف ٹینینٹ جنرل جوآن مارٹن پیلو ملین۔ انہاں ݙوطرفہ دفاعی تعاون سودھا سیکورٹی، فوجی تبادلاں، تربیت اتے موجودہ علاقائی ماحول تے الایا۔ ارجنٹائن دی مسلح افواج دے چیف آف دی جوائنٹ سٹاف ٹینینٹ جنرل جوآن مارٹن پیلو پاکستان دے دورہ اچ جوائنٹ سٹاف ہیڈ کوارٹرز راولپنڈی اچ چیئرمین جوائنٹ چیفس آف سٹاف کمیٹی جنرل ندیم رضا نال ملین۔ ارجنٹائن دے چیف آف جوائنٹ اسٹاف آکھیا جو ایں ڳالھ مہاڑ نال ݙوطرفہ دفاعی تعلقات ٻئے گھاٹے تھین، باہمی مفاہمت ودھی اے۔ چیئرمین جوائنٹ چیفس آف سٹاف کمیٹی جنرل ندیم رضا ارجنٹائن اتے پاکستان وچال مضبوط ݙوطرفہ دفاعی تعلقات دا عزم دوہرائے۔ ایں توں پہلے جوائنٹ سٹاف ہیڈ کوارٹر پڄݨ تے پاک فوج دے دستے ٹینینٹ جنرل جوآن مارٹن پیلو کوں سلامی ݙتی۔
