اسلام آباد۔14جون(اے پی پی)وفاقی وزیر برائے خزانہ ڈاکٹر مفتاح اسماعیل آکھیے جو 2018 اچ قرضوں تے سود ادائیگی دا بل 1499 ارب روپے ہا، آندے سال ترقیاتی منصوباں تے 800 ارب خرچ تھیسن، ایں سال 1100 ارب دی سبسڈی وزارت توانائی کوں ݙتی ڳئی اے، ساݙا بلنگ اتے فیصلہ سازی دا نظام پراݨا اے، پچھلے سال جیڑھا بجلی دا ملھ ودھیا ہا اوندا نوٹیفیکیشن ہݨ آعے۔ قومی بجٹ کانفرنس نال خطاب کریندے انہاں آکھیا جو پچھلی حکومت ریکارڈ قرض ڳھدے، گیس دے شعبے دا گردشی قرضہ 1500 ارب روپے تئیں پڄ ڳئے، توانائی دے شعبے دا گردشی قرضہ 2500 ارب روپے تھی چکیے، آندے سال سود کیتے 4 ہزار ارب روپے خرچ تھیسن، حکومت بجلی تے لاگت 300 ڈالر اتے بل 50 ڈالر وصول کریندی پئی اے، 250 ڈالر سبسڈی ویندی اے، توانائی دا شعبہ ٹھیک نا تھیا تاں ملکی معیشت ٻݙ ویسی۔
