لاہور۔15جون(اے پی پی)وزیرداخلہ رانا ثنااللہ آکھیے جو مونس الٰہی دی منی لانڈرنگ کیس اچ گرفتاری دا فیصلہ اساں نئیں عمران خان حکومت کیتا ہا۔ اپݨے ہک بیان اچ انہاں آکھیے جو مونس الٰہی ناراض نہ تھیون، عمران خان دے دور اچ کیس دی تحقیقات تھیاں ہن، مونس الٰہی ایں کیس بارے آپ میکوں ݙسایا ہا۔ انہاں آکھیا جو عمران خان ہی مونس الٰہی دے خلاف ایں کیس اچ انکوائری مکمل کرا تے رکھی ہوئی ہئی۔ انہاں آکھیا جو اے کیس عمران خان ولوں چودھری برادران کوں تحفہ اے، عمران خان کوں چودھری پرویز الہیٰ نال وݙی محبت ہئی تہوں انہاں اے کیس مکمل کرایا ہا۔
