اسلام آباد۔16جون (اے پی پی):سینیٹ اچ حکومت نال تعلق رکھݨ آلے ارکان آکھیے جو ملک کوں ایں ویلھے اوکھی صورت حال دا سامݨا اے حکومت اوکھے حالات اچ مناسب بجٹ پیش کیتے ، تعلیم دے بجٹ اچ ودھارا تھیوݨا چاہیدے ، افسران دی نسبت چھوٹے سرکاری ملازمین دیاں تنخواہیں اچ ودھارے کوں ترجیح ݙتی ونڄݨی چاہیدی اے ، اساکوں ملکی معیشت کوں آپݨے پیراں تے کھڑا کرݨ تے آئی ایم ایف دے قرضیں توں جند چھڑاوݨ کیتے بدعنوانی تے قابو پاوݨا ہوسی ، خمیس دے ݙینھ سینیٰٹ اجلاس اچ پٹرولیم مصنوعات دیاں قیمتاں ودھݨ تے آندے مالی سال 23ـ2022 دے بجٹ تے بحث اچ حصہ گھندے ہوئیں سینیٹرعرفان صدیقی آکھیے جو پاکستان بدقسمتی توں 75 سال اچ درست پارے نی ٹر سڳیا ، تحریک انصاف دی حکومت انہاں امیداں تے پوری نی لتھی جیں کیتے او گھن آئی ڳئی ہئی ، ماضی اچ جیڑھی فصل رادھی ڳئی جے او پھل ݙیندی تاں ملک کوں ایں طرح دی صورت حال دا سامݨا نہ کرݨا پوندا ۔
