اسلام آباد۔16جون (اے پی پی) وزیرِ اعظم دی سکھر حیدر آباد موٹروے اتے قراقرم ہائی وے ، بابوسر ٹنل اتے خضدار کچلاک روڈ تے کم جلدی شروع کرݨ دی ہدایت کریندیں ہوئیں آکھیا جو منصوبیاں کیتے کنٹریکٹ ݙیوݨ دے طریقہ کار کوں ٻیا شفاف ٻݨایا ونڄے۔ گزریل چار سالیں اچ ترقی دا سفر مجرمانہ غفلت پاروں روکیا ڳیا، بین الاقوامی کمپنیاں دی تصدیق کیتے پاکستانی سفارتخانیاں دا تعاون منڳیا ونڄے۔ انہاں اے ڳالھیں خمیس کوں نیشنل ہائی وے اتھارٹی دے جاری شاہراواں دے تعمیراتی منصوبیاں تے پیشرفت تے جائزہ اجلاس دی صدارت کریندیں ہوئیں آکھی۔ اجلاس اچ وفاقی وزراء احسن اقبال، مولانا اسعد محمود، وزیر اعظم دے مشیر احد چیمہ، چیئرمین این ایچ اے اتے متعلقہ اعلیٰ حکام شرکت کیتی۔ وزیرِ اعظم کوں پروکیورمنٹ دے طریقہ کار بارے وی تفصیلی ݙسیا ڳیا۔
