اسلام آباد۔16جون(اے پی پی):سپریم کورٹ بار ایسوسی ایشن حریت رہنما یاسین ملک دا معاملہ چاوݨ کیتے لیگل کمیٹی ٻݨاوݨ دا اعلان کیتے۔ سپریم کورٹ بار دے صدر احسن بھون اتے حریت رہنما یاسین ملک دی زال مشعال ملک سپریم کورٹ اچ پریس کانفرنس کریندے آکھیے جو کمیٹی یاسین ملک اتے کشمیریاں نال مظالم اڳونہے کریسی، حکومت یاسین ملک دے معاملے تے خالی بیانات دی بجائے عالمی سطح تے ایندے تے آواز چاوے۔ مشعال ملک آکھیے جو بھارت اچ انصاف ناں کوں کائنی، یاسین ملک کوں دہشت گرد آکھݨ آزادی دے متوالیاں دی توہین اے، یاسین ملک کوں دھی اتے زال نال ملݨ ݙتا ونڄے، بھارت کلبھوشن آلی کار یاسین ملک کوں وی پاکستان توں وکیل کرݨ دی اجازت ݙیوے، یاسین ملک کوں کشمیریاں دی آزادی دی جد و جہد لڑݨ دی سزا ملدی پئی اے اے معاملہ عالمی عدالت انصاف اچ چاوݨا چاہیدے۔
