اسلام آباد۔17جون (اے پی پی) وفاقی وزیر اطلاعات و نشریات مریم اورنگزیب آکھیے جوعمران خان خود بنی گالا وچ لک تے عوام کوں سڑکاں تے سݙیندے پئن ، عمران خان عوام کوں احتجاج دی کال نہ ݙیون، اپݨی نالائقی تے نااہلی دا ماتم کرن ، عوام جاݨدن جو مہانگ دی تباہی عمران خان گھن آئے، آئی ایم ایف نال کمزور بنیاداں تے معاہدہ عمران خان کرتے ڳن ، اڄ ملک اچ مہانگ دے ذمہ وار وی عمران خان ہن، انشاء اللہ عمران خان دی مہانگ دی لاتی ڳئی بھاہ وسمیسوں ، ھک بیان اچ وفاقی وزیر اطلاعات آکھیے جو عمران خان! عوام کجھ ہیریں، سینکڑاں کنال زمین تے مالی فیدے کیتے قومی تےعوامی مفاد تے سود کرݨ آلیں دے نال نی نکلدے ، عوام کوڑے، منافق، نالائق اتے نااہل دے نال نی نکلدے ، نالائقاں، نااہلاں، چوراں تے آئین شکناں دی کال تے کوئی نی نکلدا ۔ انہاں آکھیے جو عوام مہانگ، بے روزگاری، معاشی تباہی دے ذمہ وار، خونی مارچ آلیں تے مسلح جتھیں دے نال نی نکلدے ۔ عوام بے گناہ پولیس آلیں کوں گولیاں مار تے شہید کرݨ آلے دے نال نی نکلدے ، عمران خان کال نہ ݙیون ، آپݨی گھن آئی ڳئی مہانگ تے معاشی تباہی دی ذمہ واری دا اعتراف کریندے ہوئیں اللہ تعالیٰ تے عوام توں معافی منگن، انہاں آکھیے جو معاشی تباہی تے مہانگ دا گند عمران خان کھنڈائے ، حکومت اینکوں صاف کریندی پئی اے ، وفاقی وزیر اطلاعات آکھیے عمران خان سازش کیتی جو پاکستان ڈیفالٹ کرونڄے ، حکومت ملک عوام کوں بچاوݨ آئی اے ، انہاں آکھیے جو آئی ایم ایف نال معاہدہ کرتے ایندی خلاف ورزی کیتی تے پاکستان دی ساکھ خطرے وچ پاتی ، ایندے ذمے وار عمران خان تساں او۔
