اسلام آباد۔18جون (اے پی پی):وزیراعظم محمد شہباز شریف قوم کوں فیٹف دیاں شرطاں پوریاں تھیوݨ تے وائٹ لسٹ اچ پاکستان دی واپسی دا رستہ ہموار تھیوݨ تے مبارخ ݙیندے ہوئیں آکھیے جو “ٹیم پاکستان‘‘ کوں مبارخ ہووے جیں پاکستان کیتے کامیاب کاوش کیتی ،گرے لسٹ توں پاکستان دا ناں کڈھواوݨ دی قومی کاوش کرݨ آلی ساری سول تے ملٹری ٹیم کوں خراج تحسین پیش کریندوں ۔ہفتے کوں وزیر اعظم آفس دے میڈیا سیل توں جاری بیان موجب وزیر اعظم محمد شہباز شریف آکھیے جو وزیر خارجہ بلاول بھٹو زرداری کوں وی مبارخ ݙینداں ، انہاں دی قیادت اچ ٹیم کوں اے اہم کامیابی ملی،عسکری قیادت کوں فیٹف دی گرے لسٹ توں پاکستان دا ناں کڈھݨ دے عمل تے مبارخ ، پاکستان کوں ملݨ آلی ایں وݙی کامیابی تے تساݙیاں کوششاں دی تعریف کرینداں۔انہاں آکھیے جو جی ایچ کیو اچ آرمی چیف دے قائم کیتے ڳئے’’کور سیل‘‘پاکستان دی اہم کامیابی اچ کلیدی کردار نبھائے ،اکتوبر اچ فیٹف ٹیم دے دورے دے بعد پاکستان دا ناں گرے لسٹ توں نکل ویسی ،گرے لسٹ توں پاکستان دا نکلݨ نیک شگون اے، آوݨ آلے ویلھے اچ پاکستان کوں مزید کامیابیاں ملسن ۔
