اسلام آباد۔19جون (اے پی پی):وفاقی وزیر تعلیم رانا تنویر حسین آکھیے جو موجودہ حکومت ملک اچ تعلیم دی بہتری تے خصوصی توجہ ݙیندی پئی اے ۔
میرٹ، شفافیت تے کوالٹی تے خصوصی توجہ ݙیوݨی ہوسی ،پہلے مرحلے اچ ٹیچرز دی تربیت کریسوں کیوں جو جݙاں تئیں تربیت یافتہ استاد نہ ہوسن ، تعلیم دامعیار قائم نی تھی سڳدا ، پورے ملک دے استاداں کوں تربیت ݙے تے تعلیم دے معیار کوں چنڳاں کریسوں ، یونیورسٹیاں اڳوں ودھن تے اساتذہ دی تربیت کیتے ھک خصوصی تربیتی پروگرام متعارف کروا تے ٻالاں دا مستقبل محفوظ بݨیسن ۔اے ڳالھ وفاقی وزیر یونیورسٹی دے شیخوپورہ ریجنل کیمپس دا سنگ بنیاد رکھݨِ دی تقریب توں خطاب کریندے ہوئیں آکھی اے ، انہاں آکھیے جو ملک اچ تعلیم عام کرݨ ، استاداں دی تربیت تے معیاری تعلیم دی بہتری اچ علامہ اقبال اوپن یونیورسٹی اہم کردار ادا کرسڳدی اے ۔
