دیرہ اسماعیل خان تے ٹانک سرائیکی صوبے دا حصہ ہووݨے چاہیدن ، فیصل کریم کنڈی

اسلام آباد۔21جون  (اے پی پی) سابق ڈپٹی سپیکر تے پاکستان پیپلز پارٹی دے مرکزی سیکرٹری اطلاعات فیصل کریم کنڈی آکھیا جو دیرہ اسماعیل خان تے ٹانک سرائیکی صوبے دا حصہ ہووݨے چاہیدن۔ اے پی پی دی سرائیکی نیوز سروس نال خصوصی گالھ مہاڑ کریندیں ہوئیں انہاں آکھیا جو اساݙی پہلے ݙینھ دی خاہش اے دیرہ اسماعیل خان تے ٹانک سرائیکی صوبے دا حصہ ٻݨے تے 2008 ءچ جڈݨ اساڈی حکومت ہئی اساں آواز چاتی تے بھرپور کوششاں وی کیتیاں ہن ۔پر ایندے سانگے باقاعدہ طریقہ کار ہووݨا چاہیدا اے ۔کجھ لوکیں دی رائے اے جو ٹانک تے دیرہ اسماعیل خان سرائیکی صوبہ ٻݨݨ دے بعد اوندا حصہ نہ ہووݨ تے میڈی رائے ہے جو ایندے کیتے باقاعدہ طریقہ کار ہووے تے ریفرنڈم کرایا ونجے۔ انھاں دا ٻیا آکھݨ ہا جو میݙا ذاتی خیال اے جو عوام چاہندی اے تے میں پشتون ہاں تے سرائیکیاں دا کیس لڑدا پیاں کیونجو میݙے علاقے دے لوکیں میکوں ووٹ ڈتا اے تے میں انھاندی نمائندگی کرینداں پیاں ۔ایندے سانگے جمہوری طریقہ کار ہووݨا چاہیدا اے۔