کابل۔22جون (اے پی پی) افغانستان دے صوبہ پکتیکا تے صوبہ خوست اچ شدید زلزلے دے جھٹکے محسوس کیتے ڳئن جیں دی شدت ریکٹر سکیل تے 6.1ریکارڈ کیتی ڳئی ۔ زلزلے دے نتیجے اچ 280 لوک جاں بحق تے 595زخمی تھی ڳئن جݙاں جو درجناں گھراں کوں ضیان پڄے ۔ چینی خبر رساں ادارے افغان میڈیا دے حوالے نال ݙسائے جو ٻدھ دی سویل صوبہ پکتیکا دے ضلعیں برمل ، زیروک، نیکہ تے گیان صوبہ خوست اچ شدید زلزلے دے جھٹکے محسوس کیتے ڳئن جیں دے نیتجے اچ انہاں ضلعیں اچ 255 لوک جاں بحق جݙاں جو صوبہ خوست اچ 25 بندے جاں بحق تے 95زخمی تھی ڳئن ۔ امریکی جیالوجیکل سروے موجب زلزلے دا مرکز صوبہ خوست دے جنوب مغرب اچ 44کلومیٹر دے فاصلے تے ہئی ۔ زلزلے پاروں درجناں گھراں کوں ضیان تھئے جݙاں جو صوبہ پکتیکا اچ لینڈ سلائیڈنگ تھئی۔
