کابل۔22جون (اے پی پی) افغانستان دے صوبہ پکتیکا اتے صوبہ خوست اچ شدید زلزلے پاروں مرݨ آلیاں دی تعداد ودھ تے 920 تھی ڳئی، 600 بندے زخمی، درجناں ڳھراں دا ضیان تھیے اتے کئی عمارتاں ڈہہہ ڳئن۔ زلزلے پاروں امواتاں اچ ودھارے دا خدشہ ظاہر کیتا وینداپئے۔ فرانسیسی خبر رساں ادارے دے مطابق افغان رہنما ہیبت اللہ اخونزادہ ݙسیا جو بدھ دی سویل ملک دے مختلف علاقیاں اچ شدید زلزلے دے جھٹکے محسوس کیتے ڳئے اتے پہاڑی علاقیاں اچ پجݨ اچ اوکھ پاروں اموات ودھدیاں پئن۔ ڈیزاسٹر مینجمنٹ دے نائب وزیر شراف الدین مسلم ، دارالحکومت کابل اچ پریس کانفرنس اچ ݙسیا جو زلزلے نال ہݨ تئیں 920 لوک جاں بحق اتے چھی سو زخمی تھین۔
