اسلام آباد۔23جون (اے پی پی) وفاقی وزیر خزانہ تے محصولات مفتاح اسماعیل آکھیا جو عمران خان پاکستان کوں دیوالیہ تھیوݨ دی نہج تے چھوڑ ݙتا ہئی، حکومت اوکھے حالات اچ متوازن، ترقی پسندانہ اتے عوام دوست بجٹ ݙتے۔ حکومتی اقدامات نال ملک اچ مالیاتی استحکام امدا پئے۔ پٹرولیم مصنوعات دے نرخ ودھا تے پاکستان دی معیشت کوں دیوالیہ تھیوݨ توں بچائے۔ خمیس کوں وفاقی وزیراطلاعات ونشریات مریم اورنگزیب دے رَلے پریس کانفرنس اچ وزیرخزانہ آکھیا جو آئی ایم ایف نال اہم معاملیاں تے پیشرفت تھئی اے اتے ایں بارے آئی ایم ایف کل پریس ریلیز وی جاری کیتی اے۔ ایں نال مالیاتی استحکام کوں یقینی ٻݨاوݨ اچ مدد ملسی۔ انہاں آکھیا جو عمران خان پاکستان کوں دیوالیہ تھیوݨ دی نہج تے چھوڑ ݙتا ہئی، حکومت اوکھے حالات اچ متوازن، ترقی پسندانہ اتے عوام دوست بجٹ ݙتے۔ بجٹ اچ عام بندے تے کوئی ودھیکی ٹیکس نی لاتا ڳیا اتے نہ غریب بندے تے ٹیکساں کو ٻوجھ پاتے، ایندے علاوہ 15 کروڑ روپے توں ودھ آمدݨ آلے لوکاں تے ہک سال کیتے ہک فیصد ٹیکس، 20 کروڑ روپے تے ݙو فیصد، 25 کروڑ روپے تے 3 فیصد اتے 30 کروڑ روپے توں ودھ آلیاں تے چار فیصد سپر ٹیکس لاتا ڳئے۔
