اسلام آباد۔23جون(اے پی پی)صدر مملکت ڈاکٹر عارف علوی آئی ٹی پروفیشنلز دی ودھدی لوڑھ سانڳے ہنر مند انسانی وسائل ودھاوݨ تے زور ݙتے اتے آکھیے جو تعلیمی ادارے طلبا کوں علم وہنر سانڳے آن لائن اتے ہائبرڈ طریقے اپناون۔ اے ڳالھ انہاں ایوان سدر اسلام آباد اچ ملݨ آوݨ آلے کیڈٹ کالج مری دے طلباء دے وفد نال الیندے آکھی۔ صدر مملکت آکھیا جو طلباء بہتر فیصلہ سازی کیتے تنقیدی و تجزیاتی سوچ پیدا کرو، طلباء آپݨے کیتے علم دے دروازے ہمیشہ کھلے رکھین اتے ماضی دے تجربات دے نال نال آئی ٹی دے ذریعے سوکھیں ملݨ آلے علم توں ودھ فیدے چاون۔
