اقوام متحدہ۔24جون (اے پی پی) پاکستان چتاوݨی ݙتی اے افغانستان اچ انسانی تے معاشی بحران نال نبݨݨ کیتے اقدامات نہ چاتے ڳئے تاں وݙے پیمانے تے انسانی مشکلات، مزید افغان پناہ گزیناں ، اندرلے جھیڑیں دے ول سر چاوݨ تے داعش جیہے دہشت گرد گروپاں ولوں خطریں دا سامݨا کرݨا پوسی ۔ اقوام متحدہ اچ پاکستان دے مستقل مندوب منیر اکرم گزریل ݙینھ طالبان دیاں پالیسیاں دا جائزہ گھنݨ کیتے منعقدہ سلامتی کونسل دے اجلاس اچ آکھیے جو اساں افغانستان دی اڄوکی ہنگامہ خیز تاریخ دے ھک ٻئے موڑ تے ہیسے، اساکوں آپݨے مقصد کوں واضح کرݨ دی لوڑھ اے تے ساݙا بنیادی مقصد افغانستان اچ امن تے استحکام گھنݨ ہووݨا چاہیدے جتھاں ٻدھ کوں آوݨ آلے زلزلے تباہی مچا ݙتی۔
