کوپن ہیگن۔25 جون (اے پی پی)ڈنمارک دی پارلیمنٹ اچ اقبال دی شاعری دے “ڈینش ترجمے” دی ڳھنݙ کھلائی سانڳے کانفرنس تھئی جیندے اچ مختلف طبقیاں دے نمائندہ لوکاں شرکت کیتی اتے پاکستانی مصنف خرم الہیٰ دے اقبال تے کم کوں سراہے۔ آزاد گرین دے سیاسی رہنما اتے ڈینش پارلیمنٹ دے سکندر صدیق کانفرنس اچ آوݨ آلیاں کوں ست بسم اللہ آکھیے۔ خرم الہیٰ اقبال دی شاعری دا ڈینش زبان اچ ترجمہ ” اقبال کی شاعری میں بنی نوع انسان کا سامنا کرنے والے فرشتے” کیتے۔ انہاں لکھیے جو کیویں اقبال فرشتاں دے مقابلے اچ انسان دا مقالہ ڄڳ اچ پیش کیتے اتے کیویں انسان اللہ تعالیٰ دا نائب ہووݨ پاروں عجائبات اتے معجزات کیتے ٻݨایا ڳئے۔ کانفرنس نال خطاب اچ خرم الہیی آکھیے جو اقبال جدید انسان دے مسلیاں دا حل ݙتے۔ ڈنمارک اچ ایرانی سفارت خانے دے ثقافتی کونسلر جمشید فتح لینی جد اتے رضا صحبتی اقبال دی ایران نال عقیدت دی تعریف کریندے آکھیا جو ایرانی لوک وی اقبال نال ایویں ہی محبت کریندن۔ ڈنمارک اچ جرمن سفارت خانے دے ثقافتی کونسلر لاسے راڈ ویلڈ آکھیا جو اقبال اتے جرمناں وچال جڑت لازم اے، اقبال جرمنی اچ اپݨے تحقیقی سال لائن اتے انہاں گوئٹے و نطشے دے کماں کوں سراہے جیڑھے انہاں دی شاعری توں وی جھلکدن۔ کانفرنس اچ سیدنسک یونیورسٹی دے پروفیسر نیلز کرسچن ہوڈٹ “شاعری اور روحانیت” تے اپݨی اہم رائے پیش کریندے آکھیے جو اقبال دی سوچ موجب 21 ویں صدی اچ انسان کیتے کائنات دی روحانی تشریح اتنی اہم کیوں اے؟ اتے طبی سائنس ایندے تے کیویں تحقیقی دید ٻھنوائی اے۔ کانفرنس اچ ڈاکٹر ہما خان اقبال دی شاعری بارے کتاب دا سفر شیئر کریندے آکھیے جو میں ہک ماہر ڈاکٹر ہووݨ پاروں تہوں اقبال دے فلسفے کوں پھلوریے جو میں اقبال دی سوچ کوں ڈینش سامعین نال متعارف کرا سڳاں۔ چھیکڑ تے ڈنمارک اچ پاکستان دے سفیر احمد فاروق شرکا دا شکریہ ادا کریندے کانفرنس کوں مشرق و مغرب وچال فاصلے مٹاوݨ کیتے اہم کوشش قرار ݙتے۔
