اسلام آباد۔28جون(اے پی پی)وفاقی وزراطلاعات و نشریات مریم اورنگزیب آکھیے جو وفاقی کابینہ دا اجلاس وزیراعظم دی اڳواݨی اچ اسلام آباد اچ تھئے جیں افغانستان کیتے ورک ویزا لو پالیسی اچ تبدیلی، قومی ویسٹ منیجمنٹ پالیسی اتے نظرثانی حج پالیسی سودھا ٻیاں اہم تجوزیاں دی منظوری ݙتی اے۔ اے ڳالھ انہاں اسلام آباد اچ کابینہ اجلاس دے فیصلیاں بارے میڈیا بریفنگ اچ آکھی۔ وفاقی وزیر موسمیاتی تبدیلی شیری رحمان اتے معاون خصوصی قمر زمان کائرہ وی انہاں دے نال ہن۔ وزیراطلاعات آکھیا جو کابینہ اجلاس ماحولیات دے تحفط کیتے نیشنل ہیزیڈس ویسٹ منیجمنٹ پالیسی منظور کیتی اے اتے افغان بین الوزارتی رابطہ سیل نا ایپکس کمیٹی دے اجلاس دیاں تجویزاں جیندے اچ نادرا، بورڈ آف انوسٹمنٹ، دفترخارجہ ویزی دے طریقہ کار اچ تبدیلی دی منظوری ݙتی اے جیندے نال پورے ڄڳ اچ سفارت خانے اتے پاکستان دے دفاترخارجہ اچ افغانستان دی ویزا دی درخواست کنٹری آف اوریجن دی بجائے موجودہ نیشنلٹی اتے پاسپورٹ تے ݙتی ویسی ڄݙاں جو افغانستان نال تجارت ودھاوݨ کیتے ورک ویزے دی کیٹگری اچ ہک بئی ذیلی کیٹگری رلائی ڳئی اے جو ڈرائیور، ٹرانسپورٹرز اتے ہیلپرز کوں آن لائن ویزا نظام اچ رلایا ونڄے۔ وزیراطلاعات آکھیا جو صرف ݙو ݙینھ اچ 6 مہینے کیتے ملٹی پل انٹری ویزہ جاری کیتا ویسی اتے ایندے اچ توسیع دا اختیار وزارت داخلہ دا ہوسی۔
