اقوام متحدہ۔29جون (اے پی پی):اقوام متحدہ دے ہائی کمشنر انسانی حقوق دی طرفوں چھپݨ آلی رپورٹ اچ آکھیا ڳئے شام اچ یکم مارچ 2011 توں 31 مارچ 2021 تئیں ݙاہ سالہ خانہ جنگی اچ تقریبا 3لکھ 7ہزارتئیں لوک ہلاک تھئن ۔ ترک ذرائع ابلاغ موجب اقوام متحدہ دے سابقہ اعدادوشماراچ 143350 شہری ہلاک تھئن ۔انہاں آکھیے جو گزریل 10 سالاں اچ جھیڑیں دے نتیجے اچ یومیہ اوسطاً 83 شہری ہلاک تھیندے ہن ،ہلاکتاں دی تعداد شامی آبادی دے 1.5 فیصد دے مساوی اے۔اقوام متحدہ دی ہائی کمشنر انسانی حقوق مشیل بیچلیٹ آکھیے جو اعلان کیتیاں ڳیاں گمشدگیاں نہ صرف عددی اعداد و شمار دی نمائندگی کریندن بلکہ جاناں وی ونڄیڄ ویندن ۔انہاں اعداد و شمار اچ عام شہریاں دی او وݙی تعداد شامل کائنی جیڑھا جو صحت دی ݙیکھ بھال، خوراک، صاف پاݨی تے ٻیاں بنیادی انسانی ضرورتاں دی کمی دی وجہ توں آپݨیاں جاناں توں ہتھ دھو ٻیٹھن۔بیچلیٹ آکھیے جݙاں تئیں جھیڑے نی مکدے ملک اچ عام شہریاں دی ہلاکت دا خطرہ اے۔
