اسلام آباد۔29جون (اے پی پی) وزیراعظم شہبازشریف آکھیا جو ملک کوں جدید، ترقی یافتہ اسلامی فلاحی مملکت ٻݨاوݨ کیتے تحریک پاکستان دے جذبے نال تعمیر پاکستان دی تحریک شروع کرݨ دی لوڑھ اے۔ اساݙا پیارا پاکستان پچھتر سال دا تھیوݨ ویندا پئے، ملک کوں معاشی طور خود انحصار ٻݨاوݨ کیتے پرعزم ہیسے۔ میثاق معیشت دی منزل قومی ڈائیلاگ نال حاصل کریسوں۔ بدھ کوں ہک ٹویٹ اچ انہاں آکھیا جر برصغیر دے مسلماناں دا ارمان اساݙا پاکستان پچھتر سالیں دا تھیوݨ آلا اے، آزادی دی نعمت تے اساں اللہ سبحانہ و تعالی دے حضور سجدہ شکر کریندوں۔ ملک کوں جدید، ترقی یافتہ اسلامی فلاحی مملکت ٻݨاوݨ کیتے تحریک پاکستان دے جذبے نال تعمیر پاکستان دی تحریک شروع کرݨ دی لوڑھ اے۔
