اسلام آباد۔30جون (اے پی پی) وزیراعظم شہبازشریف چین دی کمیونسٹ پارٹی دے ڈائریکٹر خارجہ امور کمیشن یانگ جیچی اتے انہاں دے وفد دا خیر مقدم کریندیں ہوئیں آکھیا جو یانگ جیچی پاکستان دے مخلص دوست ہن اتے او پاکستان دی حکومت اتے عوام ولوں چینی وفد کوں خوش آمدید آکھدن۔ وزیراعظم شہبازشریف نال کمیونسٹ پارٹی آف چائنا دے ڈائریکٹر خارجہ امور کمیشن یانگ جیچی دی سربراہی اچ وفد ملاقات کیتی۔ ایں موقع تے وزیر خارجہ بلاول بھٹو زرداری ،وزیر مملکت حنا ربانی کھر ،وفاقی وزیر منصوبہ بندی و ترقی احسن اقبال اتے ٻئے موجود ہن۔ وزیراعظم آکھیا جو او پاکستان دی حکومت اتے عوام ولوں چینی وفد دا خیر مقدم کریندن۔ وزیراعظم آکھیا جو سی پیک دے منصوبے، سرمایہ کاری اتے تجارت کیتے انہاں دے شکر گزار ہیسے۔
