اسلام آباد۔30جون (اے پی پی) صدر مملکت ڈاکٹر عارف علوی ، پاکستان اتے سوئٹزرلینڈ وچال اسٹیک ہولڈرز دی آپسی مشورے دے بعد آزادنہ تجارتی معاہدے تے جلدی دستخط کرݨ دی لوڑھ تے زور ݙیندیں ہوئیں آکھیا جو معاہدے توں تجارت اتے معیشت دے شعبیاں اچ بہتر اتے تکھے رفتار تعاون دا باضابطہ فریم ورک میسر ہوسی۔ ایوان صدر دے پریس ونگ دے مطابق صدر مملکت اے ڳالھیں انہاں سوئٹزر لینڈ دے سکبدوش تھیوݨ آلے سفیر بینیڈکٹ ڈی سرجٹ نال ڳالھ مہاڑ کریندیں ہوئیں آکھی جنہاں خمیس کوں ایوان صدر اچ انہاں نال ملاقات کیتی۔ انہاں آکھیا جو عالمی برادری بھارت اچ ودھدے ہوئے اسلاموفوبیا اتے شدت پسندی دا سنجیدگی دا نوٹس ڳھنے۔ عالمی برادری بھارت اچ اقلیتاں کوں ݙراوݨ دھمکاوݨ اتے اسلاموفوبیا نال جڑیے تشدد دے واقعے کوں روکݨ کیتے اقدامات کرے۔ صدرمملکت آکھیا جو دنیا کہیں وی حصے توں آوݨ آلے پناہ گزیناں نال ہکو سواں برتاؤ کرے۔ پناہ گزیناں کوں رنگ، نسل، مذہب یا علاقے دے امتیاز دے بغیر سہولت اتے پناہ ݙیوݨی چاہیدی اے۔ صدر ڈاکٹر عارف علوی آکھیا جو پاکستان سیاحت اتے مزمان نوازی دے شعبیاں اچ سوئٹزرلینڈ دے تجربے توں فائدہ چا سڳدے۔
