مکہ مکرمہ ۔1جولائی (اے پی پی):فریضہ حج دی ادئیگی کیتے آئے ہوئے 60 ہزار پاکستانیاں سودھے پوری دنیا توں آئے لکھاں عازمین مسجدالحرام اچ جمعہ دی نماز پڑھی ، ایں موقع تے پاکستانی عازمین حج کوں شدید رش اتے گرمی توں بچاوݨ کیتے مکہ مکرمہ اچ پاکستان حج مشن خصوصی اقدامات کیتے ۔ ڈی جی حج ابرار احمد مرزا ، ڈائریکٹر حج مکہ ساجد منظور اسدی ، ڈائریکٹر مدینہ ضیاء الرحمان دی زیر سرپرستی حج معاونین اتے سیزنل سٹاف خدمات سرانجام ݙتن ۔ حاجیاں کوں سویلے 10 وڄے تئیں شٹل سروس دے ذریعہ مسجد الحرام پڄا ݙتا ڳیا تاں جو دھپ اتے گرمی اچ حاجیاں کوں مسجد دے اندر جاہ مل سڳے ، نماز جمعہ توں بعد ڈی جی حج ابرار مرزا ڈائریکٹرز ساجد منظور اسدی اتے ضیا الرحمٰن حاجیاں دی رہائشی عمارتاں تئیں واپسی دے آپریشن دی نگرانی کیتی تاں جو رش توں کوئی عازم حج متاثر نہ تھیوے۔
