اسلام آباد۔4جولائی (اے پی پی):چیئرمین سینیٹ محمد صادق سنجرانی آکھیے جو بلوچستان دے طلبہ تعلیمی و تخلیقی سرگرمیاں اچ ودھ چڑھ تے حصہ گھندے پئن جیں دا اثر ملک دی مجموعی سماجی و اقتصادی ترقی تے پوسی، تاں جو اے ٻہوں ضروری اے جو بلوچستان دے پرے دے علاقیں توں تعلق رکھݨ آلے طلبہ دے مسئلیں کوں ترجیحی بنیاداں تے حل کیتا ونڄے ۔ سینیٹ سیکرٹریٹ موجب اے ڳالھ انہاں سیکرٹری انسانی حقوق افضل لطیف نال ڳالھ مہاڑ کریندے ہوئیں آکھی اے جنہاں انہاں دے نال ملاقات کیتی ۔ چیئرمین سینیٹ کوں سیکرٹری انسانی حقوق طلبہ دے مسئلیں دے حل کیتے چاتے ڳئے اقدامات تے خصوصی طور تے بݨائے ڳئے کمیشن دے کم اتے ایں سلسلے اچ تھیوݨ آلی پیشرفت بارے ݙسیا۔ محمد صادق سنجرانی آکھیے جو کمیشن دی رپورٹ کوں حتمی شکل ݙیوݨ کیتے مشاورتی عمل تکھا کیتا ونڄے تاں جو بلوچ طلبہ کوں ریلیف ݙتا ونڄ سڳے تے انہاں دیاں شکایتاں دا ازالہ تھی سڳے ۔ چیئرمین سینیٹ آکھیے جو عید الاضحیٰ دیاں چھٹیاں دے بعد پورے عمل تے خصوصی بریفنگ ڳھدی ونڄے تعلیم ھک بنیادی حق اے تے ایں کیتے طلبہ دے جائز مسئلے حل کرݨ ٻہوں اہم اے ۔
