اسلام آباد۔4جولائی(اے پی پی)وفاقی وزیر ہوا بازی خواجہ سعد رفیق پی آئی اے کوں ایچ آر شعبے دی اصلاحات اچ پیشرفت تیکھی کرݨ دی ہدایت کیتن۔ پی آئی اے دے ترجمان عبداللہ حفیظ اے موجب ڳالھ وفاقی وزیر ہوابازی و ریلوے خواجہ سعد رفیق پی آئی اے دے ایچ آر شعبے دی بریفنگ ویلھے آکھی۔ اجلاس اچ وفاقی وزیر کوں پی آئی اے دی کل افرادی قوت، انتظامی امور، انضباتی کارروائیاں اتے مختلف ملازمین ولوں مقدمات بارے تفصیل ݙسائی ڳئی۔ وفاقی وزیر ہوابازی خواجہ سعد رفیق پی آئی اے کوں ایچ آر شعبے اچ اصلاحات اچ پیشرفت تیکھی کرݨ اتے پی آئی اے کوں ہر شعبہ خصوصا بیرون ملک پوسٹنگ میرٹ تے کرݨ دی وی ہدایت کیتی۔ انہاں آکھیا جو ٹرانسفر، پوسٹنگ اتے ترقیاں کیتے ہکو سواں اتے شفاف طریقہ کار اپنایا ونڄے، پی آئی سالانہ کارکردگی پرکھݨ دے نظام کوں وی بہتر کرے۔ انہاں ادارے دے مالی مشکلات، قرض اتے نقصانات دا جائزہ وی ڳھدا۔
