مکہ۔5جولائی (اے پی پی):میدان عرفات توں 8 جولائی کوں حج خطبے دا براہ راست ترجمہ دنیا دیاں 14زباناں اچ پیش کیتا ویسی جیں دیاں تیاریاں مکمل کرڳھدیاں ڳئن ۔ سعودی سرکاری خبر رساں ایجنسی ایس پی اے موجب حرمین شریفین انتظامیہ دے سربراہ اعلی شیخ ڈاکٹرعبدالرحمن السدیس خطبہ حج دے ترجمے دے حوالے نال گزریل ݙینھ خادم حرمین شریفین منصوبے دے مرکز دا دورہ کیتا تے انتظامات دا جائزہ ڳھدا ۔ ایں موقع تے ڈاکٹرعبدالرحمن السدیس آکھیے جو دنیا دے مسلماناں کیتے میدان عرفات توں حج دا خطبہ تے ایندا پیغام براہ راست پیش کریسن ۔
