اسلام آباد۔6جولائی (اے پی پی):وزیرِاعظم محمد شہباز شریف شہریاں دی طرفوں حکومت دیاں ادائیگیاں دا نظام سوکھا تے موثر بݨاوݨ کیتے اقدامات دی ہدایت کیتی اے جݙاں جو وزیراعظم اسٹریٹجک ریفارمز یونٹ دے سربراہ سلمان صوفی آکھیے جو نیشنل بینک آف پاکستان اچ شہریاں دی طرفوں حکومت دیاں ودھ ساریاں ادائیگیاں وختی بغیر کہیں اضافی چارجز دے آن لائن کیتیاں ونڄ سڳسن ۔ وزیراعظم آفس دے میڈیا ونگ توں جاری بیان موجب وزیراعظم سٹریٹجک ریفارمز یونٹ دے سربراہ سلمان صوفی آکھیے جو وزیرِاعظم محمد شہباز شریف شہریاں دی طرفوں حکومت دیاں ادائیگیاں دا نظام سوکھا تے موثر بݨاوݨ کیتے اقدامات دی ہدایت کیتی اے تاں جو شہری گھر ٻیٹھے ادائیگیاں آن لائن سسٹم دے ذریعے سوکھیں کر سڳن۔
