اسلام آباد۔7جولائی (اے پی پی)سٹیٹ بینک آکھیے جو ݙاہ سال اچ ملک دا 91فیصد تجارتی خسارہ ترسیلات زر توں پورا کیتا ڳئے ۔ایس بی پی دی رپورٹ موجب کووڈ 19 پاروں لاک ڈائونز دے باوجود جون 2020دے بعد توں پاکستان کوں ماہانہ ݙو ارب ڈالر توں ودھ دی ترسیلات زر موصول تھیندیاں پئن، رپورٹ اچ آکھیا ڳئے جو سمندر پار روزگار دے متلاشی پاکستانیاں دیاں مہارتاں اچ ودھارا تے مالیاتی نظام تے اعتماد دے ودھارے کیتے مالیاتی تعلیم و تربیت سمیت سرکاری و نجی شعبے دے شراکتی اداریں دے درمیان اشتراک کار دی بہتری توں ترسیلات زر اچ خاطر خواہ ودھاراکیتا ونڄ سڳدے۔
