اسلام آباد۔11جولائی (اے پی پی):پاکستان سریبرینیکا نسل کشی دی 27 ویں برسی دے موقع تے بوسنیا دے عوام نال یکجہتی دا اظہار کیتے تے آکھیے جو سریبرینیکا نسل کشی انسانی تاریخ دے ساریں توں ہولناک واقعات اچوں ھک اے جتھاں 8000 توں ودھ بے گناہ تے غیر مسلح بوسنیائی مرداں تے نوجواناں دا بے دردی نال قتل عام کیتا ڳئے ۔ترجمان دفتر خارجہ موجب سریبرینیکا نسل کشی دی 27 ویں برسی دے موقع تے اساں بوسنیا دے عوام نال یکجہتی دے طور تے کھڑوں آپݨے اجتماعی عہد دی تجدید کریندوں جو مقبوضہ جموں و کشمیر توں فلسطین تئیں ٻیاں جاہواں تے انسانیت دے خلاف ایجھے ہولناک جرائم ول کݙاہیں نہ تھیوݨ ݙیسوں ۔ ترجمان آکھیے ساݙیاں ہمدردیاں تے دعاواں انہاں ہزاراں بے گناہ بوسنیائی مسلماناں کیتے ہن جیڑھے ایں نسل کشی دے نتیجے اچ آپݨیاں جاناں توں ہتھ دھو ٻیٹھے ۔
