اسلام آباد۔12جولائی (اے پی پی):وفاقی وزیر اطلاعات و نشریات مریم اورنگزیب پاکستان مسلم لیگ (ن) دی نائب صدر مریم نواز دے جلسیں تے ریلیاں توں خطاب دا شیڈول جاری کرݙتا۔ منڳل کوں آپݨے ٹویٹ اچ انہاں آکھیے جو مریم نواز شریف اڄ (منگل کوں) جھنگ پی پی 125، 127 پڄسن تے انتخابی ریلیاں تے جلسیں توں خطاب کریسن ، انہاں آکھیے جومریم نواز شریف پینسرہ انٹر چینج ایم 4، پی پی 127 گوجرہ موڑ اچ استقبالیہ توں خطاب کریسن ۔ وفاقی وزیر اطلاعات آکھیے جو مریم نواز شریف مدھانی جٹ، چنیوٹ موڑ تے خطاب کریسن ، انہاں آکھیے مریم نواز شریف جامعہ چوک توں تھیندے ہوئیں علی آباد، پی پی 125 پڄسن تے ملوآنہ موڑ تے عوام تے کارکنان توں خطاب کریسن ۔ ایں توں علاوہ مریم نواز شریف ہیڈ تریموں توں اٹھارہ ہزاری پڄسن تے عوام توں خطاب کریسن ۔
