اسلام آباد۔18جولائی(اے پی پی)الیکشن کمیشن آف پاکستان آکھیے جو پنجاب دے ضمنی انتخابات سانڳے کل 20 حلقیاں اچ سٹیے ڳئے ووٹاں دی شرح 49.69 فیصد رہی، پی ٹی آئی 46.08، مسلم لیگ(ن) 39.05 فیصد ووٹ ڳھدن ڄݙاں جو آزاد امیدواراں دے حصے اچ 7 فیصد ووٹ آئن۔ انہاں 20 حلقیاں اچ کل ووٹرز دی تعداد 45 لکھ 79 ہزار 898 ہئی جتھاں 3 ہزار 131 پولنگ سٹیشنز ٻݨائے ڳئے ہن۔ انتخابات اچ پاکستان تحریک انصاف 15، مسلم لیگ(ن) 4 اتے ہک آزاد امیدوار جیتئے۔ سب توں ودھ ٹرن آئوٹ پی پی 90 بھکر اچ 65.86 فیصد رہے۔ سب توں ڳھٹ ٹرن آئوٹ پی پی 168 لاہور 32.53 فیصد رہے۔ ضمنی انتخابات اچ تحریک لبیک پاکستان 5 فیصد ووٹ ڳھدن۔
