اسلام آباد۔19جولائی(اے پی پی)وفاقی وزیر اطلاعات مریم اورنگزیب آکھیے جو عمران خان اقتدار بچاوݨ کیتے اداریاں تے حملے کریندے پین ٻھل او ڄاݨ ڳھنن جو الیکشن صرف اوں ویلھے ہی تھیسن ڄݙاں حکومت چاہسی۔ لاہور اچ پریس کانفرنس کریندے وفاقی وزیر اطلاعات مریم اورنگزیب آکھیا جو عمران خان فارن فنڈنگ کیس توں بچݨ کیتے الیکشن کمیشن کوں ہدف ٻݨیدے پن، ادارے چیئرمین پی ٹی آئی دے خلاف قانون دے مطابق کارروائی کرن، اے ملک اچ فساد چاہندن اتے اداریاں کوں تباہ کرݨ چاہندن، عمران خان فارن فنڈنگ اتے منی لانڈرنگ کریندے پکڑیے گئیں، عمران خان اقتدار اچ رہ تے معاشی لینڈ مائنز وچھائین، اداریاں کوں متھاج کیتے اتے انہاں کوں استعمال کر تے سیاسی انتقام دا نشانہ ٻݨائے۔ انہاں آکھیا جو عمران خان ساریاں 20 سیٹاں جیتݨ چاہندے ہن، ڄݙاں ناکام تھین تاں الیکشن کمیشن تے الزام لاوݨ لڳ ڳین، ڄݙاں چیف الیکشن کمشنر ملݨ توں ہٹک ݙتے تاں عمران خان ہݨ انہاں دے خلاف تھی ڳین۔
