لاہور۔19جولائی(اے پی پی)صدر مملکت ڈاکٹر عارف علوی آکھیے جو ویلھے تے درست فیصلہ سازی، دیانتدار و معیاری قیادت اتے پالیسیاں دے تسلسل نال ملکی تیز تر ترقی یقینی ٻݨائی ونڄ سڳدی اے۔ اے ڳالھ انہاں لاہور اچ پاکستان کیمیکل مینوفیکچررز ایسوسی ایشن (پی سی ایم اے ) ولوں پاکستان کیمیکل ایکسپو 2022 دی افتتاحی تقریب نال خطاب اچ آکھی۔ انہاں آکھیا جو سائنس و ٹیکنالوجی دے شعبے اچ غیرمعمولی تبدیلیاں آندیاں پن ٻھل بدقسمتی نال حکومت اتے نجی شعبے دے فیصلہ سازاں کاروبار، صنعت، زراعت و خدمات دے شعباں اچ تیز تر تبدیلیاں نال رلݨ دی کوئی تیاری نی کیتی سائنس دیاں ساریاں شاخاں کیمسٹری، فزکس، بیالوجی اتے ٻعے شعبے تحقیق و ترقی دے عمل اچ ہائی ٹیک، ہائی ویلیو اتے بہترین مصنوعات سانڳے ہک مٹھ تھی ڳین، ویلھے تے درست فیصلہ سازی، پالیسیاں دے تسلسل تیز ت ترقی کیتے ضروری عوامل ہین، ایں سانڳے ساکوں اپݨی سوچ اچ جدت ڳھن آوݨی ہوسی۔
