گال ۔20جولائی (اے پی پی) مایہ ناز اوپننگ بلے باز عبداللہ شفیق دی شاندار ناقابل شکست سنچری اتے کیریئر بیسٹ اننگز پاروں گال ٹیسٹ میچ، پاکستان ، سری لنکا کوں چار وکٹاں توں ہرا ݙتا اتے ݙو میچاں دی سیریز اچ 0-1 دی برتری ڳھن ڳھدی اے۔ پاکستان میچ دے چوتھے ݙینھ میزبان ٹیم ولوں ملݨ آلا 342 دا ہدف پنجویں اتے چھیکڑی ݙینھ چھی وکٹاں دے ضیان تے حاصل کر ڳھدا۔ عبداللہ شفیق ݙوجھی اننگز اچ ناقابل شکست 160 کپتان بابر اعظم55اتے محمد رضوان 40 رنز ٻݨائے۔ عبداللہ شفیق کوں شاندار بیٹنگ تے میچ دا بہترین کھݙاری قرار ݙتا ڳیا۔
