ضلع ملتان اچ مردم شماری مہم شروع تھی ڳئی

ملتان۔20جولائی(اے پی پی)ضلعی انتظامیہ اتے محکمہ مردم شماری ولوں پائلٹ پراجیکٹ سانڳے ملتان دے ہک بلاک اچ مردم شماری مہم شروع تھی ڳئی اے۔ مردم شماری مہم دا افتتاح اے سی سٹی خواجہ عمیر کیتے۔ اسسٹنٹ کمشنر سٹی خواجہ عمیر محمود آکھیا جو جدید آن لائن ڈیجیٹل پائلٹ سینسز دا آغاز ملتان سٹی اچ کر ݙتے۔ ایں پائلٹ پراجیکٹ دا دورانیہ 20 جولائی توں 3 اگست تئیں اے، ملتان اچ 8 سینسز بلاک سلیکٹ کیتن جتھاں شمار کنندے گھر گھر ونڄ تے ڈیٹا کٹھا کریسن، پورے پاکستان اچ کل 423 مردم شماری بلاک سلیکٹ کیتے ڳین ڄݙاں جو ملتان سٹی دے 8 بلاکاں اچ مردم شماری کیتی ویسی۔