اسلام آباد۔20جولائی(اے پی پی)وفاقی وزیر خزانہ مفتاح اسمعیل دی اڳوآݨی اچ ماربل ایسوسی ایشن دے وفد دا اجلاس تھئے جیندے اچ ایف بی آر دے چیئرمین سودھا ٻئے اعلیٰ حکام وی موجود ہن۔ ماربل ایسوسی ایشن دے وفد وفاقی وزیر کوں ماربل دی مقامی صنعت، معیاری پیداوار کیتے مینو فیکچرنگ کیتے جدید ٹیکنالوجی دے استعمال بارے ݙسایا اتے ماربل دے شعبے دی ترقی سانڳے مسئلے حل کرݨ دا آکھیا۔ مفتاح اسمعیل وفد کوں یقین ݙیوایا جو ماربل دے مسائل تیکھے حل کیتے ویسن جو اے شعبہ ملکی معیشت کیتے وݙا اہم اے۔
