دریائے سندھ اچ بیڑی ٻݙݨ نال 100 دے نیڑھے باراتی گھن ونجݨ آلے مرد بال تے تریمتیں دی شہادت تے سرائیکستان نوجوان تحریک مرکزی دفتر اچ مرحوماں سانگے فاتحہ خانی

اسلام آباد۔20جولائی(اے پی پی)دریائے سندھ اچ بیڑی ٻݙݨ نال 100 دے نیڑھے باراتی گھن ونجݨ آلے مرد بال تے تریمتیں دی  شہادت تے سرائیکستان نوجوان  تحریک مرکزی دفتر اچ مرحوماں  سانگے فاتحہ خانی کرائی ۔ایں  موقعے تے دریا اچ بڈنڑ آلیاں کیتے  مولانا صابر حسین بلوچ فاتحہ خوانی دے بعد مغفرت دی دعا اتے  رشتے داراں سانگےصبر جمیل دی دعاکرائی۔ضلعی صدر ملک سلیم عباس بوسن ۔مرکزی اگوانڑ جمیل ھاشمی تے ملک سانول بوسن آکھے جو جنھاں دا جنازہ پڑھایا گیا اے ایندے اچ کہیں منتخب نمائندے دا شامل نہ تھیونڑا سرائیکی وسیب دے نینگراں کیتےفکر کرنڑ دی گالھ اے ۔انھاں آکھے جو ہنڑ اساکوں وڈیریاں تے جاگیرداراں دے خلاف کٹھا تھیونڑاں ہوسی۔انھاں آکھے جو ریاست غریباں توں ٹیکس گھن تے پل بنڑواوے ہا ۔انھاں مطالبہ کیتا جو مرنڑ آلیاں دے رشتے داراں کوں  حکومت پاکستان ہک ہک کروڑ معاوضہ ادا کرے اتے جتھاں جتھاں   پل کائینی اتھاں پکیاں بیڑیاں اتے انھاں تے مناسب وزن لوڈ کرنڑ دا فوری بندوبست کرے تانجو کہیں بئے حادثے توں بچیا ونج سگے ۔فاتحہ خانی اچ ملک حقنواز ، ساجد خان خاکوانی، مہر وقاص جوتہ حسیب مہدی تے ڈوجھے شامل ہن