اسلام آباد۔22جولائی (اے پی پی) وفاقی وزیر اطلاعات تے نشریات مریم اورنگزیب آکھیا جو پاکستان دی عوام چور، منافق اتے کوڑ دی سیاست مسترد کر ݙتی اے۔ عمران خان دا انتخابی فریم ورک2018 ، خیبر پختونخوا، آزاد کشمیر ، گلگت بلتستان، سینیٹ اتے ڈسکہ الیکشن اچ نظر آڳیا ہئی۔ چار سال انتخابی فریم ورک کتھ ہئی؟ جمعے کوں فواد چوہدری بیان دے ولدے اچ انہاں آکھیا جو عمران خان ملک اچ سیاسی عدم استحکام نال معاشی عدم استحکام پیدا کرݨ چاہندن۔ وفاقی وزیر اطلاعات آکھیا جو پاکستان اتے اوندی عوام عمران، بشری، گوگی مافیاز اتے کارٹلز دی چوریاں دے متحمل نی تھی سڳدے۔ انہاں آکھیا جو ترائے اپریل کوں عمران خان اقتدار توں انڄ تھی ڳئن۔ ڳالھیں مندے دے ݙینھ ڳئے، آرام کرن، مند بند رکھن اتے کم کرݨ ݙیون۔
