”100گنڈے اتے 100 چھتر” عمران صاحب دا مقدرہن، اداریاں کوں مندے، دھمکی ݙیوݨ آلا اداریاں دا ٹھیکیدار نہ ٻݨے، مریم اورنگزیب

اسلام آباد۔24جولائی  (اے پی پی) وفاقی وزیر اطلاعات تے نشریات مریم اورنگزیب آکھیا جو ”100گنڈے اتے 100 چھتر” عمران صاحب دا مقدرہن، اداریاں کوں مندے، دھمکی ݙیوݨ آلا اداریاں دا ٹھیکیدار نہ ٻݨے۔ عمران خان اقتدار اچ واپسی کیتی اسٹیبلشمنٹ اتے اینٹی اسٹیبلشمنٹ دا کھیݙ نہ کھیݙݨ ݙیسوں۔ آݙت وار کوں پی ٹی آئی رہنما فواد چوہدری دے بیان دے ولدے اچ انہاں آکھیا جو کہیں کوں وی آئین اتے قانون نال کھلواڑ کائنا کرݨ ݙیسوں۔ عمران خان منیے جو چار سال حکومت چلاوݨ کیتے انہاں اداریاں اتے ایجنسیاں دی مدد ڳھدی۔ انہاں آکھیا جو دھونس دھمکی نال انصاف دا قتل کائنا کرݨ ݙیسوں۔ وفاقی وزیر اطلاعات آکھیا جو نواز شریف اتے مسلم لیگ (ن) دا بیانیہ آئین دا بیانیہ اے اتے رہسی۔ وفاقی وزیر اطلاعات آکھیا جو عمران خان دا ٻاہرلے ملک سازش دا بیانیہ دفن اتے  اسٹیبلشمنٹ اتے اینٹی اسٹیبلشمنٹ دا بیانیہ شروع تھی قئے۔ مریم اورنگزیب آکھیا جو الیکشن کمیشن فارن فنڈنگ دا فیصلہ ݙیوے۔ انہاں آکھیا جو عمران صاحب دھونس، دھمکی، انتشار، فساد اتے غنڈہ گردی دے ذریعے فارن فنڈنگ کیس اچ این آر او چاہندن۔ ”100گنڈے اتے 100 چھتر” عمران صاحب دا مقدرہن، اداریاں کوں مندے، دھمکی ݙیوݨ آلا اداریاں دا ٹھیکیدار نہ ٻݨے۔