اسلام آباد۔27جولائی (اے پی پی) صدر مملکت ڈاکٹر عارف علوی آکھیا جو جان سنوری ہک مایہ ناز کوہ پیما ہن اتے کوہ پیمائی اچ لگن رکھیندے ہن۔ انہاں کوہ پیمائی دے شعبے دی ترویج کیتے پورا کردار ادا کیتا۔ اے ڳالھیں انہاں بدھ کوں آنجہانی کوہ پیما جان سنوری دے ٹٻر دی ملاقات کریندیں ہوئیں آکھی۔ ملاقات اچ جان سنوری دی بیوہ لینا موئے، بیٹی ہالا کیرن اتے بہن کرسٹن وی موجود ہن۔ ایں موقع تے جان سنوری اتے علی سدپارہ نال کوہ پیما اتے کینیڈین فلمساز ایلیا سیکلی وی موجود ہن۔ یاد رہے جو علی سدپارہ، آئس لینڈ دے جان سنوری اتے چلی دے ہوان پابلو موہر فروری 2021 ء اچ کے ٹو سر کریندیں ہوئیں جاں بحق تھیے ہن۔
