اسلام آباد۔29جولائی (اے پی پی) وزیراعظم شہباز شریف آکھیا جو ” ریاست پہلے ، سیاست بعد اچ” پالیسی دے تحت حکومت دی باگ ڈور سنبھالی ، معیشت دی بحالی کیتے اوکھے فیصلے کیتے۔ لگژری شہیں دی درآمد تے پابندی لاتی۔ غیر ضروری حکومتی خرچے ڳھٹ کیتے، قابل تجدید توانائی دے منصوبے شروع کیتے، انتشار اتے معیشت دی تباہی دے ذمہ داران دے برعکس محنت اتے لگن نال ملک دی ترقی کیتے کوششاں کریندے پیوں۔ اے ڳالھیں پاک امریکن بزنس فورم دے وفد نال ڳالھ مہاڑ کریندیں ہوئیں آکھی جئیں جمعے کوں انہاں نال ملاقات کیتی۔ وفد اچ سیکٹری جنرل پاک امریکن بزنس فورم وقار خان، صدر ریاض حسین اتے سینئر نائب صدر انور اعظم شامل ہن ایندے علاوہ وفاقی وزیرِ پارلیمانی امور مرتضی جاوید عباسی اتے متعلقہ حکام وی ملاقات اچ موجود ہن۔ وزیراعظم آکھیا جو اساں اوکھے ویلھے ریاست پہلے، سیاست بعد اچ دی پالیسی دے تحت حکومت سنبھالی اے۔ ملاقات اچ وفد وزیراعظم کوں معیشت دی بحالی کیتے اقدامات، ملک اچ برآمدی صنعت کوں اڄوکی حکومت ولوں ݙتی ڳئی سہولتاں اتے سمندر پارپاکستانیاں دے مسئلے دے حل کیتے خصوصی توجہ ݙیوݨ کیتے خراج تحسین پیش کیتا۔
