اسلام آباد۔29جولائی (اے پی پی) نریندر مودی دی ہندو توا حکومت اسرائیلی ہتھکنڈے دی نقل کریندیں ہوئیں جموں تے کشمیر اچ کشمیریاں دی جائیداداں ضبط کرݨ شروع کر ݙتن تانجو انہاں تے حق خودارادیت کیتے جاری آپݨی جائز جدوجہد ترک کرݨ کیتے دباؤ پاتا ونڄ سڳدے۔ کشمیرمیڈٰیا سروس ولوں جاری کیتی ڳئی ہک رپورٹ اچ آکھیا ڳیا جو اے فسطائی مودی حکومت کشمیریاں کوں آپݨے وطن اچ بے گھر کرݨ دی اڄوکی مہم اچ غیر قانونی سرگرمیاں کوں روکݨ دے متنازع قانون یو اے پی اے دے تحت سرینگر اچ ٻئے پنڄ کشمیریاں دے مکان ضبط کر ڳھدن۔ رپورٹ اچ نشاندہی کیتی ڳئی جو مودی اسرائیل دے نقش قدم تے چلدا پئے جیڑھا جو کہی ݙھاکیاں توں فلسطینیاں دے مکان مسمار کریندا پئے ۔ رپورٹ اچ آکھیا ڳیا جو عالمی برادری کوں چاہیدے جو او جموں تے کشمیر اچ مودی حکومت دے وحشیانہ اقدامات دا نوٹس ڳھنے۔
