اسلام آباد۔29جولائی (اے پی پی) بھارت اچ ہندوتوا دے نظریے کوں ودھیندیں ہوئیں مودی دی سرپرستی اچ آر ایس ایس (راشٹریہ سویم سیوک سنگھ) اتے ٻئے اقلیتاں توں بیگانگی، ہندوتوا دے متعصب نظریے اقلیتاں تے عرصہ حیات تنگ کر ݙتے۔ مسلمان اتے دلت ݙوہیں بھارتی آبادی دا تقریباً 45 فیصد ہن۔ اقلیتاں کوں دباوݨ دی انہاں دی پالیسی ٻہوں چالاکی تے ھے جئیں دے تحت او ہندواں کوں ترجیح ݙیندیں ہوئین جئیں دے ذریعے خود بخود اقلیتاں یعنی مسلماناں، بدھ مت اتے اتھاں تئیں دے دلتاں کوں وی محدود کیتا ویندا پئے۔ ممتا بنرجی دی ترنمول کانگریس پارٹی دے مسلم رہنما شیخ عالم اڄوکے بھارتی میڈیا بارے آکھیا جو اساں مسلمان 30 فیصد ہن اتے ہندو 70 فیصد ہن۔ اے ستر فیصد عوام دی حمایت نال اقتدار اچ آئن۔ انہاں کوں شرم آوݨٰی چاہیدی اے جو اگر اساݙی مسلم آبادی ہک پاسے تھی ونڄے تاں اساں چار نویں پاکستان ٻݨا سڳدوں انہاں دی ستر فیصد آبادی کتھ ویسی؟ اے پی پی نال ڳالھ مہاڑ کریندیں ہوئیں سابق سفیر آصف درانی آکھیا جو اگرچہ بھارتی آئین ملک دی سیکولر نوعیت دی ڳالھ کریندے پر سارے عملی مقاصد بارے اے ہک ہندوریاست اے۔ انہاں آکھیا جو بھارت دی ہک وݙی آبادی مسلمان اے۔ جڈانجو اکروبار اتے بیوروکریسی اچ انہاں دی نمائندگی ہک فیصد توں وی ڳھٹ اے اتے انہاں تے ٻئی جبر کیتا ویندا پئے۔ انہاں آکھیا جو 2011 اچ بھارت ولوں کیتی ڳئی آدم شماری دے مطابق غیر قانونی طور تے بھارتی مقبوضہ کشمیر دی کل 12.5 ملین آبادی اچوں 68.31 فیصد مسلمان اتے 28.43 فیصد ہندو ہن۔ سفیر آکھیا جو کشمیری تقریباً آپݨے علاقے اچوں محصور تھی ڳئن کیونجو آر ایس ایس دی قیادت آلی ہنوتوا طاقتاں کشمیریاں کوں اقلیت اچ بدل تے مقبوضہ ریاست دی آبادی کوں بدلݨ چاہندن۔ جنرل (ر)طلعت مسعود آکھیا جو اڄوکی مودی حکومت مسلماناں اتے ٻئی اقلیتاں کوں ٻیا دباوݨ کیتے ہندوتوا دے ںظریے کوں فروغ ݙیندی پئی اے۔ انہاں اے پی پی کوں ݙسیا جو مودی نظریہ ٻہوں شکوک و شبہات پیدا کریندے۔ معروف مصنف اتے تجزیہ کار ارشاد محمود آکھیا جو بھارت اچ مسلمان کوں محدود کیتا ویندا پئے۔ بی جے پی دی حکومت اچ انہاں کوں پسماندہ اتے بے اختایر کیتا ڳئے۔ انہاں آکھیا جو پوری ریاست انہاں کوں کچلݨ کیتے استعمال تھیندی پئی اے۔ حقائق الفاظ توں ودھ بولیندن۔ لوب سبھا دی 543 سیٹاں اچوں بی جے پی ݙے 301 سیٹاں ہن پر ہک وی مسلم ایم پی بی جے پی دا کائنی۔ ڈاکٹر اعجاز حسین آکھیا جو سیکولر ہندواں دے نال نال غیر ہندو برادریاں کوں سماجی اتے سیاسی طور تے مڄبور کیتا ویندے جو او یا تاں ہندوتوا دے اقدار کوں اپناون یا ولا شہریت دے خاتمے سودھے ہر طرح دے اخراج دا سامݨا کرن۔ ٻیا بھارت دے غیر قانونی زیر تسلط مقبوضہ کشمیر دے متنازعہ علاقے کوں ہک پاسہ مودی دی زیر سرپرستی حکومت اگست 2019 اچ بھارتی یونین دا حصہ بݨا ݙتے جیڑھا جو بھارت کوں ہندوتوا دی بنیاد تے ہک کلھی شناخت ٻݨاوݨ تے ہٹ دھرمی دے نال یقین رکھیندی اے۔ کشمیر اتے لداخ کوں بھارتی ریاستاں نال ضم کر ݙتا ڳئے تانجو اکھنڈ بھارت دے زیر التواء مذموم ایجنڈے کوں پورا کیتا ونڄ سڳدے۔ اے پی پی نال ڳالھ مہاڑ کریندیں ہوئیں انہاں آکھیا جو مودی دی سرپرستی اچ سیاسی ہندوتوا پاروں پاک بھارت تعلقات ٻئے خراب تھیندے پئن۔ حقیقت اچ ہوشیاری نال آر ایس ایس جنوبی ہندوستان اچ وی آپݨے تنظیمی اتے نظریاتی ایجنڈے کوں کھنݙاوݨ اچ مصروف اے۔ انہاں آکھیا جو ہندوتوا دامقابلہ کرݨ اتے بھارت کوں ہک سیکولر ملک دے طور ولا پیش کرݨ کیتے غیر آر ایس ایس اتے بی جے پی گروپاں اتے سیاسی جماعتاں کوں انہاں صفاں اچ رلاوݨا پوسی اتے سارے محاذاں تے متحد موقف رکھݨا پوسی۔ بین الاقوامی برادری کوں وی مودی سرکار ولوں آر ایس ایس دی آڑ اچ کیتی ڳئی غلطیاں تے سوال چاوݨ اتے اوندا سختی نال نوٹس ڳھنݨ دی لوڑھ اے۔
