سرینگر۔1اگست (اے پی پی) غیر قانونی طور تے بھارت دے زیر تسلط جموں تے کشمیر اچ کل جماعتی حریت کانفرنس دے سینئر رہنما اتے ڈیموکریٹک فریڈم پارٹی دے چیئرمین شبیر احمد شاہ کشمیری عوام توں اپیل کیتی اے جو او پنڄ اگست کوں کالا ݙینھ دے طور مناون تانجو دنیا کوں مضبوط سنیھا ݙتا ونڄ سڳے جو کشمیری جموں تے کشمیر تے بھارت دے غیر قانونی قبضے کوں نی منیندے۔ کشمیر میڈیا سروس موجب نظر بند رہنما نئی دہلی دی تہاڑ جیل توں ہک سنیھے اچ جئیں کوں سری نگر اچ جاری کیتا ڳیا۔ 5 اگست 2019 کوں بھارتی استعمار دی بدترین مثال آکھدیں ہوئیں آکھیا جو بھارت ایں ݙینھ مقبوضہ جموں تے کشمیر دی خصوصی حیثیت کھس ڳھدی ۔ انہاں آکھیا جو کشمیری 5اگست کوں کالا ݙینھ دے طور مناون تانجو دنیا کوں مضبوط سنیھا ݙتا ونڄ سڳے جو کشمیری جموں تے کشمیر تے بھارت دے غیر قانونی قبضے کوں نی منیندے۔
