جموں۔2اگست (اے پی پی) ہندو انتہا پسند تنظیم شیو سینا اعتراف کیتے جو دفعہ 370 جئیں دے تحت بھارت دے غیر قانونی زیرتسلط جموں تے کشیر کوں خصوصی حیثیت حاصل ہئی دی منسوخی تے ہندواں دی خوشی ہک پاسہ اقدام دے بعد مودی حکومت دی عوام دشمن پالیسیاں پاروں مایوسی اچ بدل ڳئی اے ۔ کشمیر میڈیا سروس موجببھارت دے غیر قانونی زیر تسلط جموں تے کشمیر اچ شیو سینا دے سربراہ منیش ساہنی جموں اچ ہک پریس کانفرنس توں خطاب کریندیں ہوئیں آکھیا جو زیرتسلط علاقے اچ مودی حکومت دی عوام دشمن پالیسیاں پاروں شیو سینا جیڑھی جو ہر سال پنج اگست کوں مکمل طور تے انضمام دے ݙینھ “سمپورن وائل دیوس” دے طور منیندی اے ایں سال اے ݙینھ نہ مناوݨ دا فیصلہ کیتے۔ منیش ساہنی آکھیا جو بی جے پی دی قیادت اچ بھارتی حکومت جموں تے کشمیر دی صورتحال بارے پورے بھارت اچ کوڑے پروپیگنڈہ کر تے ایں فیصلے دا سیاسی فائدہ چاتے۔ انہاں آکھیا جو پنج اگست 2019 توں پہلے جموں اتے کشمیر بھارت دی خوشحال ترین اٹھ ریاستاں اچوں ہک ہئی ہݨ تیزی نال غریبی آلےپاسے ویندا پئے۔
